Resumo verkita (C.V.)

Ruben Feldman Gonzalez (Resumo rakontita)

Julio 2005

La D-ro. Ruben Feldman Gonzalez, estas proponita kiel kandidato al la Nobel Premio pri Paco.

La kliniko kiun ni deziras komenci en Mexicali-Calexico estos precipe por infanoj. Ni bezonas kunlaborantojn de la tuta mondo kiuj konas la hispanan lingvon.

Ni uzos Unuecan Perceptadon kiel psikoterapeutiko,

Mi sincere pensas ke la Unueca Perceptado estas la plej grava fakto de la homa menso.

Mi estas infanpsikiatro krom kirurgo pediatro kaj ankaŭ mi estas psikiatro neŭrologo, ĉar oni ne povas praktiki kun infanoj en Usono sen pasigi ekzamenon por plenkreskula medicino (nur poste por infana).

Mi lasis Argentinion en 1974 dum kritikaj tempoj. Mi estas socialisto sed ne kredas je perforto por ŝanĝi la Socion. Pluraj amikoj volis ke mi eniru la Liberigan Armeon Nacian en tiuj tempoj teruraj. Mi preferis lasi la landon. Multaj geamikoj malaperis en tiuj tempoj kaj mia animo preskaŭ pereis. Fortune mi neniam deprimiĝis kaj anstataŭ rezigni ĉion (kiu estis dum du jaroj mia dezireto) mi akumulis studojn kaj konojn.Mi refariĝis kuracisto kirurgo en Usono kaj poste profesoris en Universitato de Miami en la areo de infana psikiatrio.

Mia deziro kunlabori en la Lernejo "Oak Grove School" fondita de Jiddu Krishnamurti igis min moviĝi al Kalifornio.

Mi trostudis por forgesi la malfacilajn momentojn kiujn mi devis travivi en mia naskiĝlando (Argentinio). La studo fariĝis mia "eskapo de la psikdoloro", sed mi ne pentas nun, ĉar mi povas labori kiel psikiatro-neŭrologo en ĉiuj Usonaj Statoj por relative altaj monsumoj.

Tamen, pro mia filozofio, mi praktikis ĝis 2004, en Calexico-Usono preskaŭ ekskluzive por malriĉaj infanoj kaj gejunuloj en la Kalifornia Dezerto Nomata “La Valo de la Morto”.-.

Mia mallaciĝo estas vidi psikiatre plenkreskulojn en urbo "El Centro".

Post 2001 mi laboras kiel Lokums Kuracisto, kiu estas nur portempa laboro en kiu ajn Usona loko.

Tio permesas min akcepti invitojn por prelegi pri Unueca Perceptado aŭ Scienca Psikologio Holokinetika tra la tuta mondo. Mi iniciatis la novan paradigmon en psikologio kun Prof. David Bohm, usonano kiu lasis sian landon ĉar, kiel kunlaboranto de Albert Einstein en Princeton, estis oferata en 1940 partoprenon en la Manhatan Projekto (Atombombo) de Oppenheimer (sia instruisto) sed asertis ke "mi ne studis fizikon por konstrui mortigilojn nek armilojn". Mi rekomendas (al psikologoj) la legadon de sia libro: "Wholeness and the implicate order" by David Bohm (Kegan Paul-London). Tiu libro legiĝas kiel NOVELO !!! TRE INTERESA. Mi ankaŭ multe rekomendas "Changing Consciousness" de Bohm-Edwards.

Mi konis lin en Londono kaj mia vivo ŝanĝis por la bono en ĉiuj areoj. Praktikante la Psikologion kiun mi instruas komencis la bono en mia vivo en ĉiuj areoj. Mi diradas ke mi iris de la mizero al la menspleno !!!!! Tiuj ne estas nur vortoj. Estas bela fakto.

Mia nura libro en Esperanto ankoraŭ vendiĝas en UEA kaj en ELNA "La Nova Paradigmo en Psikologio".

elna@esperantousa.org

Ankaŭ en www.percepcionunitaria.org

Mi havas 2 filojn: Sebastian (pro mia amo al Bach-muziko)-li estas 31- en 2005-kaj Demian-30- (pro mia amo al Hermann Hesse). Demian estas rokmuzikisto kaj laboras kun gejunuloj kiel konsilanto kaj instruisto de la hispana en Los Angeles. Sebastian filmaktoras. Ambaŭ diplomatiĝis kiel Entrepren-administrantoj en Univ. de Suda Kalif (USC-Usono) sed preferis agi ene de arto.Ambaŭ vivas en Hollywood en Los Angeles.

Mi ankaŭ estis amiko de Jiddu Krishnamurti kun kiu mi kunfondis “The Oak Grove School” en Ojai-Kalifornio, proksime de Los Angeles.

Kiam mi estis nomumata Unua Prezidanto de Argent-EJO, tuj post ties fondiĝo en 1966, mi komencis kurson por 92 personoj en Santa Fe (Argentinio).Tuj poste fondiĝis tie la Asocio de Esperanto.

Mi ricevis stipendion de la lernejo (pro bonaj kvalifikoj) por vojaĝi al Usono pere de Programo "Experiment in International Living". Mi lernis pri organizado de gastiga Servo de EIL en la belegaj arbaroj de Vermont-Usono.

Antaŭ la vojaĝo mi iniciatis Programon "Pasporto", kiun Humprey Tonkin enirigis oficiale en TEJO-n post nia renkontiĝo en Universitato de Pennsylvania. Mi ankaŭ en 1966 konatiĝis kun Ivo Lapenna en Novjorko kaj li ankaŭ ŝatis multe la komencitan Servon. Li varbis multajn por PS en la tiama Eŭropo. La komencaj jaroj de Pasporta Servo ne estis facilaj en Argentinio, ĉar mi estis senmona medicinstudento .

Ankaŭ furoris civila milito en Argentinio kaj plurfoje la polico vizitis mian gepatran hejmon por vidi kial mi "ricevis tiom da leteroj de socialismaj landoj". Ili ne zorgis pri la plimulto el la leteroj kiuj venis al mi de ne-socialismaj landoj. Tiam ne estis komputiloj kaj ĉio fariĝis el la mono de miaj noktomanĝoj, kiujn mi neniam manĝis, per malrapida kaj malpurega mimeografo. Kiam la Servo pasis al Marie Cash, jam estis 30 gastigantoj en 6 nacioj, ĉar kiam mi iris al Usono en 1966 mi haltis en Brazilo, Portoriko, Venezuelo kaj Kostarika. Aldonu Argentinion kaj vi havas la ses unuajn landojn de Pasporta Servo. La unuaj gastoj el Portoriko kaj Kostarika baldaŭ mortis tiam.

Mi estis nomita en Eŭropo Fondinto de AIS-RSM-Ameriko (1997). Jen la unua branĉo de AIS-RSM ekster Eŭropo. Post mia translokiĝo al Meksikio mi fondis tie AIS-RSM-Meksikio en Februaro 2 de 1998.

Mi enkondukis Esperanton (portempe) en la Universitato de Mexicali-Meksikio (UABC) kaj poste mia lernanto de Esperanto Luis Cordova enkondukis Esperanton en la Universitato UNAM de Meksikurbo.

Mi daŭre estas invitata por prelegi pri Unueca Perceptado.

Mi jam faris 53 turniroj trans la tuta mondo.

Mi planas fari tion ĝis la morto aŭ la nekapableco, simple ĉar mi pensas ke Unueca Perceptado estas la plej grava fakto de la homa menso.

Tre elkore via

Ruben Feldman Gonzalez M.D. ABPN
PMB 40-716
120 "A" Rockwood Ave
Calexico-California-92231-USA.
Retadreso: rufegon@percepcionunitaria.org